कुण तो लाया (अमरवेल)

कुण तो लाया तू बड़ा, कुण तो नागर वेल, कुण तो लाया रे संतो री अमरवेल। शिवजी लाया तू बड़ा पर्वता नागर वेल, गोरख जी लाया रे संतो री अमरवेल। किने दोला तू बड़ा, किने नागर वेल, किने दोला रे संतो री अमरवेल। शिवजी ने दोला तू बड़ा पर्वत नागर वेल, गोरख जी ने लाया संतो री अमरवेल। कठे बवाड़ू तू बड़ा, कठे नागर वेल, कठोड़े बवाड़ू संतो री अमरवेल। बागे बवाड़ू तू बड़ा, बगीचा में नागर वेल, भजनों में वाव संतो री अमरवेल। राजा भरत री विनती रे, सुनो सभी चितला, अमर वे जो रे संतो री अमरवेल, गोरख जी लाया रे संतो री अमरवेल।